Ditën e sotme Operacioni i Forcave të Ligjit u ka dërguar formularin për justifikimin e pasurisë Flamur Hakës nga Nikla të dënuar për vjedhje me dhunë dhe Talo Çelës nga Elbasani të dënuar për “Trafikim i lëndëve narkotike”.
Haka dhe Çela brenda 48 orësh duhet t’u përgjigjen të gjitha pyetjeve të OFL-së. Më pas, përgjigjet e marra do t’i dërgohen SPAK-ut, për veprime të mëtejshme.
OFL është në veprim të pandërprerë dhe në kryerje të veprimeve komplekse, për të evidentuar dhe dërguar në SPAK, të gjithë personat që janë subjekt i Ligjit Special. OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë./ Opinion.al
