OFL është ndalur sot në Dibër, ku i ka dërguar formularin për vetëdeklarimin e burimeve të pasurisë tre shtetasve të dënuar në Itali dhe Francë.
Policia e Shtetit njofton se këta shtetas janë:
Eriol (Moll) Çela, banues në Dibër, i dënuar në Itali për veprën penale “Trafikimi i narkotikëve”;
Tedi Vojka, banues në Dibër, i dënuar në Francë për veprën penale “Trafikimi i narkotikëve”;
Albi Murjas, banues në Dibër, i dënuar në Francë për veprën penale “Trafikimi i narkotikëve”.
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme./ Opinion.al
