Vijojnë goditjet ndaj veprimtarisë kriminale në fushën e narkotikëve.
Policia e Durrësit ka finalizuar operacionin policor të koduar “Motoristi”. Teksa në kuadër të këtij operacioni janë sekuestruar rreth 62 kg lëndë narkotike cannabis sativa.
Është bërë e mundur gjithashtu dhe arrestimi në flagrancë i 7 shtetasve:
- Korab Cala
- Anton Gjini
- Onfred Dedja
- Gerald Stema
- Klejvis Metalla
- Gernard Lala
- Alfred Sefa
Këta shtetas kanë qenë duke qarkulluar me 3 mjete të ndryshme në aksin rrugor Vorë-Fushë Krujë. Pas ndalimit nga shërbimet e Policisë, gjatë kontrollit të ushtruar në njërin prej mjeteve u gjetën rreth 62 kg lëndë narkotike cannabis sativa, e cila u sekuestrua në cilësinë e provës materiale, së bashku me 3 mjetet dhe 12 aparate celulare.
Materialet i kaluan Prokurorisë së Rrethit Gjyqësor Durrës për veprën penale “Prodhimi dhe shitja e lëndëve narkotike” kryer në bashkëpunim.
