Tre nga emrat më të njohur kritik të Lulzim Bashës, nuk kanë firmosur ende platformën e Lëvizjes për Ringritjen e Partisë Demokratike, shpallur ditën e sotme dhe nënshkruar nga 63 anëtarë të kësaj partie.
Në këtë dokument, ka rënë në sy, mungesa e emrave të Jozefina Topallit, Genc Rulit dhe Eduard Selamit. Ndërsa, dokumenti mbetet i hapur për t’u firmosur, me interes pritet nëse ata të tre; do t’i bashkohen apo jo grupit.
Kritikët e Bashës, mes të cilëve edhe Astrit Patozi e Besnik Mustafaj, shpallën platformën pas një mbledhje që zgjati rreth dy orë.
Ata propozojnë “caktimin e një afati jo më vonë se 9 muaj për mbajtjen e zgjedhjeve të reja në parti.”
Mbështesin platformën:
Besnik Mustafaj, Gent Malko, Endira Bushati, Valbona Mezini, Ridvan Bode, Igli Cara, Ardian Kollozi, Keltis Kruja, Majlinda Bregu, Sherefedin Shehu, Agron Musaraj, Rrajmond Hoxha, Eleina Qirici, Bislim Ahmetaj, Ibsen Elezi, Grigels Muçollari, Leonardi Olli, Andi Përmeti, Ermira Qosja, Gent Minarolli, Armand Teliti, Gjergji Papa, Zihni Tollozhina, Astrit Patozi, Zana Guxholli, Ilir Kaduku, Julian Deda, Kozma Dashi, Fabian Topollaj, Ndue Paluca, Atird Hoxha, Kristi Bello, Gezim Pani, Elmi Allmuça, Parid Teferiçi, Demir Gjana, Fatjon Bathorja, Genta Boksi, Gjovalin Bzheta, Estela Kondura, Iriat Hyka, Arbjola Halimi, Ibrahim Bajrami, Bedri Hoxha, Guri Tatari, Lekë Gjoni, Vasillaq Ngresi, Ramazan Roboçi, Ramadan Hoxha, Ardian Shkelqimi, Artur Shehu, Ervin Gjini, Bedri Luku, Juela Meçani, Alesia Reçi, Pashk Gjoni, Albert Jorgji, Zekri Piciri, Mirgen Lata, Ermir Gjeta, Aranit Leka, Paulin Papleka, Hysni Kërçiku…
Lëvizja kërkon që “analiza të drejtohet nga një grup pune me përfaqësim të balancuar për çështjet e mëdha të PD-së”.
Astrit Patozi shpalli kandidaturën për kryetar të PD-së pas zgjedhjeve të 25 qershorit, ku Partia Demokratike arriti rezultatin më të keq në historinë e saj, por u tërhoq nga gara të cilën e quajti “farsë” në kushtet e mos dorëheqjes së parevokueshme të kryetarit Basha.
Lulzim Basha “ngriu” kompetencat e tij si kryetar i partisë dhe fitoi zgjedhjet përballë kandidatit të vetëm Eduard Selami.
