Janë identifikuar katër personat të cilët ndërruan jetë tragjikisht në aksidentin rrugor të ndodhur pak pas mesnate në aksin Fushë-Krujë-Milot.
Sipas Tv klan.al viktimat janë Artan Alushi 30 vjeç, Alfred Dika, 39 vjeçë, dy shoferët si edhe dy pasagjerët, Shkumbin Brati 20 vjeç e Almenia Karaj 16 vjeçe. Brati dhe Karaj ishin pasagjerë në mjetin e 30-vjeçarit Alushi.
Si pasojë e përplasjes së rëndë mes dy mjeteve ka mbetur e plagosur edhe një 34-vjeçare që udhëtonte në mjetin e Alushit. Ajo ndodhet në spital nën kujdesin e mjekëve jashtë rrezikut për jetën.
Grupi hetimor po vijon hetimet për zbardhjen e shkaqeve të aksidentit të rëndë.
