Këshilli i Lartë i Drejtësisë ka refuzuar kërkesën e ministres së Drejtësisë, Etilda Gjonaj për të shkarkuar 10 gjyqtarë. Mbledhja është zhvilluar dje me dyert të mbyllura, por burime pranë ministrisë thanë se Gjonaj ka debatuar ashpër me anëtarët e KLD-së për shkarkimin e 10 gjyqtarëve dhe marrjen e masave të tjera disiplinore për 3 gjyqtarë.
Sipas saj, gjyqtarët kanë bërë shkelje të rënda që cënojnë figurën e gjyqtarit. Nga ana tjetër KLD vendosi rrëzimin e propozimeve të ministres për shkarkim.
Lista e gjyqtarëve që Ministria e Drejtësisë kërkon të shkarkohen:
Ardian Kalia gjyqtar i Gjykatës së Rrethit Gjyqësor Tiranë
Shpëtime Pitaku, gjyqtare e Gjykatës së Rrethit Gjyqësor Durrës
Dhurata Bilo, gjyqtare e Gjykatës së Rrethit gjyqësor Durrës
Astrit Shema, gjyqtar, Gjykata Administrative e Shkallës së Parë Vlorë
Maksim Qirjazi, gjyqtar i Gjykatës së Rrethit Gjyqësor Korcë
Tomorr Kullolli, gjyqtar i Gjykatës së Rrethit Gjyqësor Elbasan
Laurent Fuçia, gjyqtar i Gjykatës së Rrethit Gjyqësor Vlorë
Enkeleda Doda, gjyqtare e Gjykatës së Rrethit Gjyqësor Sarandë
Rasim Doda gjyqtar i Gjykatës së Rrethit Gjyqësor Sarandë
Petraq Curri, gjyqtar i Gjykatës së Rrethit Gjyqësor Durrës
Mësohet se Gjonaj ka vënë në dukje se KLD nuk është mbledhur dhe nuk ka shqyrtuar shkarkimin e gjykatësve brenda afatit 6 mujor, një mbledhje që duhej të ishte thirrur nga ish-presidenti Bujar Nishani.
