Një ngjarje e rëndë ka ndodhur mbrëmjen e djeshme në Fier.
Mësohet se një 31-vjeçar ka ekzekutuar me armë zjarri -sh-bashkëshorten e tij. Autori është identifikuar si Elton Metaj dhe viktima si Sabrina Benga. Krimi i rëndë ka ndodhur në fshatin Zhupan.
Metaj kishte shkuar në shtëpinë e gruas dhe pas një debati, e kishte qëlluar atë.
Policia e Fierit/Informacion paraprak
Rreth orës 22:50, në fshatin Zhupan, shtetasi E. M (B)., 31 vjeç, në banesën e ish-vjehrit, ka vrarë me armë zjarri ish-bashkëshorten e tij, shtetasen S. B.
Në vendngjarje kanë shkuar shërbimet e Policisë dhe po punojnë për kapjen e autorit dhe zbardhjen e plotë të ngjarjes.
Janë ngritur pika kontrolli në hyrje-dalje të qytetit dhe vijon krehja e zonës për kapjen e 31-vjeçarit.
