Një ngjarje e rëndë është regjistruar në fshatin Garunjas të Lushnjes, ku gjatë një konflikti për pronën mes kushurinjësh, mbeti i vrarë një person dhe u plagosën tre të tjerë.
Ngjarja u regjistrua mëngjesin e sotëm, rreth orës 06:15, ku bëhet me dije se viktimë ka mbetur Romeo Hasalla, 30 vjeç, ndërsa janë plagosur babai i tij, Shaip Hasalla ,65 vjeç dhe dy vëllezërit Emiljano, dhe Laert, të dy 31 vjeç.
Autorët e dyshuar të ngjarjes janë identifikuar si Kastriot dhe Afrim Hasalla, 33 vjeç, vëllezër, të cilët qëlluan me çifte në drejtim të kushërinjve të tyre dhe më pas u larguan nga vendi i ngjarjes.
Mësohet se kushërinjtë Hasalla kishin konflikt prej vitesh në lidhje me një tokë në fshatin e tyre.
Njoftimi i plotë i policisë:
Sot rreth orës 06:30, në fshatin Garunjas, njësia administrative Bllagat, Lushnje, si pasojë e një konflikti për motive pronësie mes kushërinjve të parë, kanë mbetur të plagosur me armë gjahu shtetasit Sh. H., 65 vjeç,(babai) L. H dhe E. H, 31 vjeç(vëllezër) si edhe ka ndërruar jetë shtetasi R. H, 30 vjeç(vëllai tjetër).
Menjëherë në vendngjarje kanë shkuar forcat e Policisë dhe kanë shpallur në kërkim autorët e dyshuar, shtetasit A. H dhe K. H., 33 vjeç(vëllezër), ku vijon puna intensive për kapjen e tyre./ Opinion.al
