Tre persona janë arrestuar pasi gjatë një aksioni anti-drogë janë kapur me 1.3 kg kokainë.
Të arrestuarit babë e bir, Leonard e Latif Lozi si dhe Akil Bunaj 28 vjeç i dënuar më parë për prodhim dhe shitje të lëndëve narkotike.
Pas marrjes së informacioneve se tre persona po transportonin sasinë e kokainës, uniformat blu ndaluan për kontroll në aksin rrugor Tapizë – Fushë Krujë, makinën Volkswagen me të cilën po udhëtonin, ku pas kontrollit iu gjet në automjet 1.3 kg kokainë e mbështjellë me mbishkrim “London e fshehur në kroskotin e makinës.
Nën drejtimin e Prokurorisë së Rrethit Gjyqësor Durrës, vijon puna për identifikimin dhe kapjen e personave të tjerë të përfshirë në këtë veprimtari kriminale./Opinion.al
