Kapet një grup kriminal që trafikonte lëndë narkotike nga Shqipëria në drejtim të Greqisë. Hetimet kanë zgjatur disa muaj nga Prokuroria e Krimeve të Rënda dhe sot kanë rënë në pranga organizatorët e trafikut të drogës nga Jugu dhe Juglindja e vendit drejt Greqisë. Prokuroria tha se bëhet fjalë për qindra kg hashash, por edhe kokainë e heroinë.
Prokuroria për Krime të Rënda identifikoi plotësisht personat që konsiderohen përgjegjës për organizimin e trafikut dhe sot u caktua masa “arrest me burg” për disa persona. Sakaq Policia ka kryer arrestimet:
1. Gazmend Lleshakanu, organizator
2. Jorgo Dulla, organizator
3. Isak Alla, bashkëpunëtor
4. Aurel Toska, bashkëpunëtor
Gjithashtu, u arrestuan për veprën penale të “Moskallëzimit të krimit”, shtetasit,
5. Gëzim Balla
6. Jani Meçja
Në kuadër të këtij hetimi, disa kohë më parë janë arrestuar në episode të ndryshme edhe shtetas të tjerë shqiptarë, grekë dhe maqedonas, të cilët, nën drejtimin e organizatorëve Lleshanaku dhe Dulla kishin krijuar një rrjet të gjerë sigurimi, transportimi dhe trafikimi të lëndës narkotike nga Shqipëria në drejtim të Greqisë.
Ky trafik realizohej nëpërmjet kufirit Shqipëri-Greqi ose Maqedoni Greqi.
