Edison Pula dhe Imer Masha, janë arrestuar nga policia italiane pasi akuzohen për grabitje. Shiptarët të moshës 30 dhe 28 vjeç, janë konsideruar nga mediat italiane si kriminelë të certifikuar.
Mësohet se 30-vjeçari Pula është akuzuar me burg për 50 vjedhje të kryera në Trentino, ndërsa 28-vjeçari Masha është dëbuar nga Italia.
Policia ka mundur t’i arrestojë ata në momentin që po bënin pazar në Silea.
Mediat italiane shkruajnë se dy shqiptarët ishin gjithmonë të vëmendshëm ndaj lëvizjeve të tyre, në një mënyrë thuajse maniake dhe kishin arritur prej muajsh t’i shpëtonin policisë që po i gjurmonte.
Arrestimi i tyre është bërë i mundur në momentin që ata po shëtisnin të qetë nëpër dyqanet e një qendre tregtare./Opinion.al
