Pesë shqiptarë të bandës së trafikut të drogës dyshohet se kanë vrarë një 23-vjeçar në Cradiff të Anglisë.
Mediat britanike bëjnë me dije se bëhet fjalë për shqiptarët, Josif Nushi, Mihal Dhana, Gledis Mehalla, Mario Qato dhe Hysland Aliaj.
Mësohet se shqiptarët kanë mohuar në gjykatë akuzat për vrasje, duke thënë se synimi i tyre ishte që të riut Tomasz Waga, t’i jepnin një “mësim të mirë”.
Sipas mediave të huaja, Waga dhe një person tjetër i quajtur Carl Davies, u futën në “shtëpine e barit” të shqiptarëve për të vjedhur kanabis me vlerë 120,000 £. Ai u kap nga shqiptarët të cilët e dhunuan deri vdekje.
Trupi i Tomasz Waga u gjet me lëndime të shumta në zonën Penylan të qytetit në janar 2021.
Prokurori Greg Bull KC i tha gjykatës: Nuk kishin për qëllim për ta vrarë të riun, por për të marrë në pyetje në mënyrë që të informoheshin për shefat e tyre.
Gjykatës iu tha se të gjithë të pandehurit përveç Mario Qatos ikën në Shqipëri. Prokurori tha se Qato “shkoi në Londër”, ku u arrestua më vonë. Katër të pandehurit e tjerë u arrestuan në Shqipëri dhe u ekstraduan në Britaninë e Madhe./Opinion.al
