Detaje të reja janë zbuluar në lidhje me grabitjen e kasafortës në postën e Krujës. Mësohet se policia ka arrestuar gjashtë persona të cilët dyshon si autorët e grabitjes së 110 milion lekë.
Të arrestuar janë; Mark Caka, Gazmir Saka, Hysen Kica, Bujar Tafa dhe Andi Rexhepi (Paturri), ndërsa roja Besnik Parruca i prangosur pas grabitjes akuzohet për shpërdorim detyre.
Ndërkohë policia, gjatë kontrollit të ushtruar në banesat dhe makinat e tyre, ka sekuestruar një pjesë të lekëve, gjithashtu në cilësinë e provës materiale u sekuestruan automjete, armë si dhe mjete me të cilat hapnin kasafortat.
Arrestimi i tyre erdhi pas verifikimeve të gjurmëve të gishtave si dhe nga dëshmitë e dhëna nga dëshmitarët.
Po ashtu, Dyshohet se i njëjti grup ka kryer dhe grabitjet bankomateve në këtë zonë dhe ne autostradën Tiranë-Durrës. / Opinion.al
