Dy persona janë gjetur të pajetë ditën e sotme në afërsi të fshatit Lalm i Vjetër në Lezhë.
Viktimat janë identifikuar si Preng Simoni dhe Kolë Murrani, rreth 60 vjeç, të cilët dyshohen se mund të kenë humbur jetën si pasojë e përdorimit të armës së zjarrit.
Ngjarja raportohet të ketë ndodhur mesditën e sotme, ndërsa shkaqet që çuan deri në përdorimin e armëve janë ende të paqarta.
Ndërkohë, policia ka nisur hetimet për të zbardhur rrethanat e plota të ngjarjes së rëndë, ndërsa janë shoqëruar disa persona.
Njoftimi i policisë
Në afërsi të fshatit Lalm i Vjetër, Lezhë, në një kodër, janë gjetur të pajetë, shtetasit P. S. dhe K. M., rreth 60 vjeç, të cilët dyshohen se mund të kenë humbur jetën si pasojë e përdorimit të armës së zjarrit.
Shërbimet e Policisë kanë shoqëruar disa persona që mund të kenë dijeni lidhur me ngjarjen.
Grupi hetimor ndodhet në vendngjarje dhe nën drejtimin e Prokurorisë po vijon punën për të përcaktuar shkakun e rrethanat e ngjarjes./ Opinion.al
