Mëngjesin e sotëm u raportua se shtetasja Valdete Manaj ishte vetëvratë. Ishte burri i saj që e raportoi si vetëvrasje, por rezulton se ky i fundit e ka goditur me thikë duke i marrë jetën 50-vjeçares.
Ngjarja a ndodhur në lagjen “Sheq i Madh”, Fier, rreth orës 07:50. Nga raportimet paraprake u bë e ditur se 50-vjeçarja kishte plagë në gjoks.
Uniformat blu informojnë se kanë arrestuar Petrit Manajn, si autor i dyshuar të vrasjes së bashkëshortes së tij.
Policia njofton se pas njoftimit të marrë, se në banesën e saj një shtetase është vetëvrarë, është ngritur grupi hetimor dhe në bashkëpunim me Prokurorinë Fier kanë vijuar punën për zbardhjen e plotë të rrethanave të ngjarjes.
Nga provat e grumbulluara, deklarimet e marra, këqyrjes së trupit të viktimës nga eksperti mjeko-ligjor dhe veprimet e mëtejshme hetimore të kryera nga grupi hetimor në bashkëpunim me Prokurorisë Fier, rezulton se shtetasi Petrit Manaj, bashkëshorti i viktimës, për motive të dobëta ka goditur me thikë shtetasen Valdete Manaj, e cila për pasojë ka gjetur vdekjen.
Sipas policisë, i vendosur përballë provave burri 56-vjeçar ka pranuar autorësinë dhe motivin e ngjarjes.
Në vijim të veprimeve, specialistët për Hetimin e Krimeve në Komisariatin e Policisë Fier arrestuan në flagrancë për veprën penale “Vrasja në rrethana të tjera cilësuese”, shtetasin Petrit Manaj, 56 vjeç.
Ndërsa është sekuestrua në cilësinë e provës materiale mjeti prerës(thikë), me të cilën dyshohet se autori ka kryer vrasjen.
Materialet do i kalojnë Prokurorisë pranë Gjykatës së Shkallës së Parë Fier, për veprime të mëtejshme procedurale./Opinion.al
