Operacioni Forca e Ligjit ka vijuar dërgimin e kërkesave për vetëdeklarim të pasurisë ndaj personave të dënuar apo me precedentë kriminalë. Njoftohet se së fundi formulari u është dërguar tre shtetasve në Kuçovë dhe Berat të dënuar për shfrytëzim prostitucioni dhe trafikim i lëndëve narkotike.
Formulari ka shkuar për shtetasit:
Lani Duleviç, banues në Berat, i dënuar në Itali për veprën penale “Shfrytëzim prostitucioni”;
Andrea Dinga, banues në Kuçovë, i dënuar në Itali për veprën penale “Shfrytëzim prostitucioni”;
Olgert Hoxha, banues në Kuçovë, i dënuar në Itali për veprën penale “Trafikim i lëndëve narkotike”.
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme./Opinion.al
