Dy diplomatë të karrierës janë shkarkuar nga Ambasada e Shqipërisë në Athinë. Ata janë Florian Nova dhe Enkelejda Riza. Selisë sonë në Athinë i ka mbetur vetëm Ambasadorja, e cila ka marrë masë disiplinore pas humbjes së pasaportave. Diplomatët janë thirrur për të shërbyer sipas nevojave në MEPJ.
Më herët gjatë ditës, Ministria e Punëve të Jashtme njoftoi shkarkimin e këshilltares në Ambasadën shqiptare në Londër, Pranvera Skana. Gjatë ditës së martë u shkakrua dhe Edmond Kumaraku, konsull në Romë.
Sipas ligjit “Për Shërbimin e jashtëm të Republikës së Shqipërisë”, kthimi ose tërheqja e parakohshme nga përfaqësitë diplomatike ndodh kur: “Ministri i Punëve të Jashtme urdhëron kthimin ose tërheqjen e një diplomati nga përfaqësia diplomatike, përpara mbarimit të afatit të caktuar, për arsyet e mëposhtme:
a) për nevoja pune në Ministrinë e Punëve të Jashtme;
b) në bazë të kërkesës së vetë diplomatit;
c) për arsye të vlerësimit negativ të punës së diplomatit;
ç) për shkelje të dispozitave të këtij ligji ose të akteve të tjera në fuqi;
d) kur një gjë e tillë kërkohet nga shteti pritës./Opinion.al
