Lushnja është tronditur sot nga një krim i dyfishtë. Dy të rinj janë ekzekutuar shumë pranë Komisariatit të Lushnjës, ndërsa 2 të tjerë janë plagosur dhe ndodhen në gjendje të rëndë në spital.
Një nga viktimat është 27 vjeçari Zamir Latifi, ndersa viktima e dytë është Jurgen Hoxha, 23 vjeç nga Lushnja.
*Viktima Zamir Latifi
*Viktima Jurgen Hoxha
Dy viktimat ishin shokë me njeri-tjetrin. Ngjarja e rëndë ndodhi pasditen e sotme ne oren 18:00 në lagjen “Loni Dhamo”, ku mësohet se ka pasur shumë të shtëna me armë zjarri.
Sipas raportimeve mesohet se i pranishëm ka qenë edhe nipi i Aldo Bares, Xhuliano Shkurti, i cili nuk ka pësua asnjë dëmtim. Të plagosurit Marjus Xhepexhiu 26 vjeç dhe Bujar Turku 66 vjeç qe po kalonte me biçikletë dhe u plagos rastësisht.
*Ne foto viktima Zamir Latifi dhe nipi i Aldo Bares Xhuliano Shkurti
Mësohet se edhe viktimat janë miq të familjes së Aldo Bares. Policia ende nuk ka informacione për autorët e mundshëm dhe motivin e krimit të dyfishtë ndërsa ka ngritur postblloqe të shumta për kapjen e autorëve. Mësohet se policia ka gjetur një mjet të djegur në aksin rugor Lushnje-Berat që dyshohet se u përket autorëve të vrasjes. /OPINION.AL
