Ish-Kryeministri Sali Berisha ka denoncuar me emra konkretë të fortët, që sipas tij shkojnë në zyrën e Ramës.
Gjatë fjalës në çadër, Berisha tha se qeveria e tij burgosi bandat më të rrezikshme, kurse Rama po i liron një nga një.
“Çfarë ndodhi këto 4 vite?! Të gjitha bandat, një nga një, të cilat ne, 204 grupe kriminale i arrestuam dhe i çmontuam, që i vendosëm para ligjit, për ç’ka u anëtarësuam dhe në NATO, Edi Rama një nga po i nxjerr nga burgu.
Çfarë ndodhi gjatë këtyre viteve? Edi Rama futi 19 vrasës, trafikantë prostitucioni e droge në parlament si kurrë ndonjëherë në historinë e një parlamenti.
Çfarë ndodhi më tutje? Pasi opozita bojkotoi 6 muaj parlamentin për dekriminalizim, Edi Rama, vrasësit, përdhunuesit, trafikantët i nxjerr nga dera, i fut nga dritarja!”
Më tej ai numëroi emrat e rrezikshëm të krimit që rrethojnë Ramën. “A e dini ju cilët janë vizitorët e zyrës së Kryeministrit këto ditë?
A mund t’i imagjinoni? Jua them unë! Janë Lul Berisha, Ymer Lala, Orik Shyti, Armand Prenga, Arben Ndoka Këta janë vizitorët e zyrës së kryeministrit!”.
