Tre persona janë shpallur në kërkim nga Policia për ngjarjen e ndodhur sot në Shkodër, ku u qëllua mer armë zjarri në drejtim të Taulant Pepajt.
Sipas informacioneve, tre personat e shpallur në kërkim janë Sehar Xhenje, Esmeraldo Hato dhe vëllai i tij, i cili nuk është identifikuar ende. Këta persona janë konfliktuar me Pepajn në burg.
Policia e Shkodrës ka shpallur në kërkim tre persona, të dyshuar si atentatorët kryesorë të sulmit me armë zjarri ndaj Taulant Pepajt.
Policia ka sekuestruar pamjet e kamerave të sigurisë dhe ka rezultuar se autorët janë larguar nga vendngjarja me dy makina, një “Mercedez benz S” dhe një “Jaguar”. Ata kanë braktisur makinën e tyre tip “Audi” në një rrugicë në fshatin Grudë të njësisë Rrethina.
Po sipas policisë vëllezërit kanë qëlluar me dy lloje pistoletash. Raportohet se policia po vijon punën për kapjen e autorëve.
Pepaj nuk është një emër i panjohur për policinë, pasi në vitin 2017 është arrestuar për veprën penale “Plagosje e rëndë me dashje”.
Esmeraldo Hato është i akuzuar për ngjarjen e ish-bllokut të ndodhur 4 tetor 2018. Ai njihet dhe me ermin Eljo Hato, ndërsa nga prokuroria e Tiranës akuzohet për krijim kushtesh për të kryer vrasje. Hato ka qenë i dënuar edhe për një ngjarje në Shkodër në vitin 2014.
