Dy persona të vrarë është bilanci i atentatit të sotme në Elbasan. Viktimat janë Ardjan Çollaku dhe Lulzim Bitri, persona me precedent të mëparshëm penal.
Ngjarja ka ndodhur rreth orës 19:00 brenda një lokali në vendin quajtur rrethrrotullimi i luleve. pranë një karburanti.
Pas ngjarjes, policia ka gjetur në fshatin Balldre një automjet të djegur, që dyshohet se mund të jetë përdorur nga autori apo autorët, në ekzekutim.
Policia ka ngritur postblloqe në hyrje dhe në dalje të qytetit të Elbasanit, ndërsa në Elbasan kanë mbërritur edhe forcat RENEA.
Ardian Subashi (Çollaku)-Në 2015 ishte arrestuar pasi ishte i shpallur në kërkim ndërkombëtar nga autoritet italiane, që e kishin dënuar atë me mbi 23 vjet burg për veprat penale te “Shfrytëzimit të prostitucionit” dhe “Prodhimit dhe mbajtjes pa leje e armeve luftarake dhe e municionit”.
Lulzim Bitri-Edhe ky ishte një person me precedent të mëparshëm penal, pasi akuzohet për vrasjen e një personi në Tetovë të Maqedonisë së Veriut në 2018. Vrasja ndodhi pas përplasjes mes dy grupeve kriminale.
