Policia e Vlorës ka arrestuar dy persona, pasi iu janë sekuestruar fara kanabisi. Të arrestuarit janë Gazment Sulçaj, 37 vjeç, banues në lagjen “24 Maji”, Vlorë; Roel Sulaçaj, 19 vjeç, banues në lagjen “Uji i Ftohtë”, Vlorë.
Policia sqaron se dy të arrestuarit dyshohen se në bashkëpunim me njëri-tjetrin siguronin farat e kanabisit për t’i shitur, me qëllim kultivimin e tyre.
Në cilësinë e provës materiale, autoritetet sekuestruan 2632 fara të dyshuara narkotike cannabis sativa.
Materialet i kaluan Prokurorisë pranë Gjykatës së Shkallës së Parë Vlorë, për veprën penale “Prodhimi dhe shitja e narkotikëve”, kryer në bashkëpunim./ Opinion.al
