Policia ka identifikuar personat e përfshirë në aksidentin e ndodhur mbrëmjen e sotme në fshatin Buzëmadh.
Sipas uniformave blu, të plagosur kanë mbetur shtetasit Gerti Skënderaj, 43 vjeç, drejtuesi i mjetit tip “Opel Zafira”, bashkëshortja Gladiola Meraj, 31 vjeçe dhe vajza e tyre 6 vjeçe.
Ndërsa si pasojë e aksidentit ka humbur jetën Sokrat Lelaj, 54 vjeç, drejtuesi i mjetit “Ford”, dhe Bylyre Salaj, 78 vjeçe (vjehrra e 54-vjeçarit) si edhe ndodhet në spital në gjendje të rëndë Fatbardha Lelaj, 53 vjeçe, bashkëshortja e Sokrat Lelajt.
“Në vijim të informacionit paraprak të dhënë për aksidentin në fshatin Buzëmadh, u bë identifikimi i personave të plagosur dhe atyre që ndërruan jetë.
Janë plagosur shtetasit G. S., 43 vjeç, banues në Cakran(drejtuesi i mjetit tip “Opel Zafira”), bashkëshortja G. M., 31 vjeçe dhe vajza e tyre 6 vjeçe.
Kanë ndërruar jetë shtetasit S. L., 54 vjeç, banues në Mbrostar, (drejtuesi i mjetit “Ford”), dhe shtetasja B. S., 78 vjeçe (vjehrra e shtetasit S. L) si edhe ndodhet në spital në gjendje të rëndë shtetasja F. L., 53 vjece, bashkëshortja e shtetasit S. L.”,-njofton policia./Opinion.al
