Dy persona të njohur si ‘të fortët’ e Shijakut janë vënë në pranga gjatë një aksioni policor. Gjatë arrestimeve atyre u janë gjetur edhe armë.
Efektivët e policisë së komisariatit të Shijakut kanë arrestuar në flagrancë dy banorë të Shijakut, të cilët janë kapur në fshatin Gjepalaj me automatikë.
Në njoftimin e saj, Policia e Durrësit bën të ditur se në pranga kanë përfunduar shtetasit
Bledar Keçi 43 vjeç dhe Lulëzim Muça 34 vjeç
43-vjeçari Keçi është kapur me një armë zjarri automatik dhe një krëhër me 14 copë fishekë, pa leje. Ndërsa Muça është kapur nga Shërbimet e Policisë me një armë zjarri automatik model 56 dhe një kreher me 30 copë fishekë, pa leje.
Materialet për të dy këta shtetas i kaluan Prokurorisë së Rrethit Gjyqësor Durrës për veprime të mëtejshme për veprën “Prodhimi dhe mbajtja pa leje e armëve luftarake dhe e municionit”.
