Ish-bashkëshortja e Kryeministrit, Edi Rama, aktorja e mirënjohur e viteve ‘80-‘90, Matilda Makoçi është rikthyer në skenën artistike pas shumë vitesh mungesë.
Makoçi merr pjesë rrallë në aktivitete dhe akoma më rrallë pranon të flasë për veten apo ish-bashkëshortin. Kësaj radhe, Makoçi tha dy fjalë për Edi Ramën, i cili është edhe babai i djalit të tyre, Gregu.
Pasi recitoi në ekspozitën e artistes, Natasha Bega, e cila e bindi Makoçin të rikthehet në publik, aktorja tha se nëse do t’i jepet mundësia do të vijojë jetën artistike. Duke folur për Report TV, Makoçi ka shprehur një dëshirë të madhe për të vazhduar me mundësitë që e lejojnë të jetë pjesëmarrëse në aktivitete artistike.
Ndërsa për Ramën tha: “Më vjen mirë që kur mora pjesë në këtë ekspozitë përmendet ish-bashkëshorti im, Edi Rama. Ka qenë shoku im i rinisë me të cilin ndamë ëndrrat tona dhe kemi një djalë të mrekullueshëm, Gregun. Tani shoku im i rinisë ndjek rrugën e ëndrrave të tij dhe nuk më mbetet gjë tjetër veçse t’i uroj suksese në misionin e tij”.
