Është vënë në pranga nga policia mësuesi i shkollës së mesme ndërtimore, “Karl Gega”, në Tiranë, Erjon Çutra, 36 vjeç, pasi u denoncua nga emisioni investigativ “Stop” për korrupsion.
Në videon e emisionit ivestigativ “Stop” në televizionin Klan, u paraqiten filmime, ku në këmbim të shumës me vlerë 30.000 lekë, mundësonte studentët regjistrimin pranë shkollës “Karl Gega”, megjithse ata nuk plotësonin kriteret e vendosura nga drejtoria e kësaj shkolle.
Arrestimi u krye nga specialistët e Seksionit për Korrupsion pranë Drejtorisë Vendore Tiranë në bashkëpunim me Prokurorinë e Rrethit Gjyqësor Tiranë.
Materialet i’u kaluan Prokurorisë së Rrethit Gjyqësor Tiranë për veprën penale “Korrupsion pasiv i personave që ushtrojnë funksione publike”, të parashikuar nga Neni 259 i Kodit Penal.
