Në Komisionin Hetimor për Inceneratorët është thirrur për të dëshmuar kryetarja e komanduar e Bashkisë Durrës, Emiriana Sako.
Ajo po iu përgjigjet pyetjeve të kryetares dhe anëtarëve të komisionit hetimor lidhur me aferën e inceneratorët.
Në fjalën e saj, Sako u shpreh se nuk mund të linte mbetjet në rrugët e qytetit, ndaj kërkoi ndihmë nga landfilli i Sharrës.
Sipas Tabakut, Porto Romano u mbyll nga Alqi Bllako qëllimisht dhe kjo për të dërguar mbetjet në inceneratorin e Tiranës, aty ku edhe punonte babai i deputetit socialist.
Pjesë e debatit:
Sako: Nuk ka emergjencë në procedurë
Tabaku: Pse pritet një vit e gjysmë pasi mori vendim këshilli bashkiak për ta bërë këtë procedurë?
Sako: Sepse duhet të bëheshin gjithë hapat e dokumente. Gjithë procedura është publike dhe mund ta merrni dhe ta studioni. Unë nuk jam teknike e vlerësimit të dokumenteve.
Tabaku: Për një vit e gjysmë shteti ka punuar në presion, siç thotë kryeministri. Na u desh të rrisim presionin në bashkinë e Durrësit. U mbyll Porto Romano me urdhër të Bllakos dhe i çuat në inceneratorin e Sharrës.
Sako: Këtë e thoni ju
Tabaku: I premtuat koncesionarit të Tiranës që do t’i jepni një kontratë 10 mln euro dhe më pas pa asnjë procedurë prokurimi.
Sako: Unë zbatoj ligjin, premtimet i kam me qytetarët e Durrësit. Si mendoni ju që plehrat duhet të rrini në Durrës.
Tabaku: Me cilin akt keni depozituar mbetjet
Sako: Me kërkesën që ju keni në dorë ku kam kërkuar mbështetjen. Si mendoni ju, plehrat duhet të rrinin në rrugët e Durrësit.
