Bota e modës dhe e showbizit është në zi ditën e sotme pas vdekjes së stilistit ikonë Karl Lagerfeld në moshën 85-vjeçare.
Modelja e njohur me origjinë shqiptare Emina Cunmulaj, e cila ka punuar me Lagerfeld ka ndarë në rrjete sociale disa kujtime të saj me të.
“Më ke quajtur Maria Callas atëherë kur nuk e dija se cila ishte ajo. Çfarë nderi ka qenë të kaloj gjithë ato vite pranë teje dhe krijimtarisë tënde, faleminderit që ke qenë gjithnjë njerëzor dhe nuk më ke trajtuar si një varëse rrobash që ecën, por më ke pyetur gjithnjë për të kaluarën time, kulturën si dhe që ndanim së bashku shaka dhe më flisje për udhëtimet e tua.( Në këto foto janë disa sfilatat e preferuara të Chanel tek të cilat kam qenë pjesë),”-përfundon Emina në rrjete sociale. Lagerfeld u nda nga jeta si pasojë e një sëmundje në shtëpinë e tij në Paris./Xh.K/Opinion.al/
