Emiljano Shullazi, i arrestuar për gjobëvenie dhe marrje të pasurisë përmes kërcënimeve është transferuar ditën e sotme në Tiranë, duke lënë qelitë e burgut të sigurisë së zakonshme, në Elbasan.
Kjo lëvizje është bërë për lehtësi, pasi ditën e nesërme në mëngjes, ai do të kërkojë zbutjen e masës së sigurisë në Apel, raporton panorama.
Pra Emiljano Shullazi do të kërkojë lirimin e tij dhe procedim në gjendje të lirë. Kjo kërkesë ka shumë pak të ngjarë që të pranohet.
Ai, së bashku me Gilmando Danin dhe Blerim Shullazin gjendeshin në burgun 302, deri sa u transferuan në tre burgje të ndryshme javën që shkoi.
Shullazi u dërgua në Elbasan, ndërsa Blerimi te 313-ta dhe Dani në Fushë-Krujë.
