Një emigrant shqiptar në Itali ka ndërruar jetë papritur në terminalin e Rinasit. 56 vjeçari shqiptar, rezident në Itali, po priste aeroplanin për të udhëtuar kur ka gjetur vdekjen në rrethana ende të pasqaruara plotësisht.
Viktima është A.G., 56 vjeç ka ndërruar jetë, rreth orës 6:30 në ambientet brendshme të aeroportit të Rinasit. Shkaqet paraprake bëjnë të ditur se ai ka ndërruar jetë si pasojë e një ataku kardiak. Megjithatë, pritet ekspertiza mjeko-ligjore për të për të përcaktuar shkaqet e vdekjes, tha policia e Tiranës.
