Gjatë intervistës për emisionin “Opinion”, Sekretari i Çështjeve të Jashtme britanik James Cleverly ka folur dhe për emigrimin e Shqiptarëve në rrugë ilegale në Angli.
Cleverly tha se emigrimi ilegal në vitet e fundit është në rënie, pas forcimit të bashkëpunimit mes qeverisë britanike dhe asaj shqiptare.
Fevziu– Më lejoni t’ju pyes për marrëdhëniet dypalëshe, normalisht në të kaluarën kemi pasur disa probleme me historitë e emigrantëve të paligjshëm dhe diskutimet mes dy qeverive. Cili është niveli i marrëdhënieve për momentin?
Cleverly – Pra, marrëdhënia është në një nivel shumë, shumë të mirë. Keni të drejtë, vitet e fundit kur britanikët mendonin për Shqipërinë, ndër mend iu vinte emigracioni ilegal, por qeveria shqiptare dhe qeveria britanike kanë bërë një punë fantastike. Migrimi ilegal është në rënie në këto momente.
Fevziu – Është shumë i ulët…
Cleverly – … shumë, shumë i ulët dhe sapo kam pasur një bisedë me studentët e Universitetit të Ballkanit Perëndimor, të cilët planifikojnë të studiojnë në MB, të nisin biznese këtu në Shqipëri dhe në gjithë hapësirën e Ballkanit Perëndimor. Pra, tani kemi një panoramë shumë më pozitive të marrëdhënieve dypalëshe dhe kam pasur rastin të takohem me kryeministrin Rama në disa raste deri tani, mendoj se kemi një marrëdhënie shumë të mirë pune.
