Pasi u ndaluan prej dy javësh në det, autoritetet italiane kanë lejuar anijen e shpëtimit “Ocean Viking” të hyjë në portin e Lampeduzës për të lënë aty 82 emigrantët.
Lidhur me emigrantët e ardhur në Itali, ka reaguar ministri i Jashtëm, Luigi Di Maio. Përmes një deklarate për mediat, ai ka bërë të ditur që emigrantët që kanë ardhur në Itali do të shpërndahen dhe në shtetet e tjera evropiane.
“Është e qartë se edhe në të kaluarën, me qeveritë e mëhershme, qëllimi ynë ishte të sigurojmë që emigrantët që vijnë në Itali të shpërndahen në vende të tjera të Evropës. Tani është krijuar mekanizmi dhe kjo na mundëson të sigurohemi që kur një i huaj mbërrin në Itali me anije, të mund të dërgohet në vende evropiane”, u shpreh Di Maio./ Opinion.al E.Xh.
