Ministri i Brendshëm italian, Matteo Piantedosi ka reaguar në lidhje me vendimin e gjykatës së Romës, e cila vendosi kthimin në Itali të emigrantëve të strehuar në Gjadër.
Ai u shpreh se marrëveshja midis Italisë dhe Shqipërisë do të vazhdojë dhe emigrantët do të vijnë në qendrën e Gjadrit.
Sipas ministrit skema do të përmbushë parashikimin evropian dhe se do të bëhet një model për Bashkimin Evropian.
“Jo vetëm do të ecim përpara me ankimimet ligjore, por do të ecim përpara edhe me këto nisma sepse nga viti 2026 ajo që Italia po bën në Shqipëri dhe jo vetëm do të bëhet ligj europian”, tha ai.
