Paraditen e sotme është mbajtur përmes platformës on-line, mbledhja e 63-të e Këshillit të Lartë të Prokurorisë.
Në këtë mbledhje Këshilli ka vendosur unanimisht emërimin si prokurore në Prokurorinë e Posaçme Kundër Korrupsionit dhe krimit të Organizuar (SPAK) Manjola Kajana, për një mandat 9 vjeçar pa të drejtë riemërimi.
Me emërimin e saj, SPAK ka aktualisht në strukturën e tij 13 prokurorë nga lista e 15 prokurorëve të zgjedhur nga Këshillin i Lartë i Prokurorisë.
Me këtë rast, kryetari Gent Ibrahimi i bëri edhe një herë thirrje organeve të Vettingut për të përshpejtuar afatet për verifikimin e figurës, pasurisë dhe aftësive profesionale për dy prokurorët e mbetur, Anton Martini dhe Elizabeta Imeraj./Opinion.al
