Tre javë pas marrëveshjes së 18 Majit Rama-Basha emërohet drejtori i fundit teknik. Në krye të Agjencisë së Zhvillimit Bujqësor dhe Rural është vendosur Fadil Shahini. Prezantimi i tij është bërë nga zv/kryeministrja teknike Ledina Mandija.
Mandija kujtoi edhe njëherë se drejtorët teknikë të emëruar nga PD-ja nuk do të bëjnë asnjë prokurorim publik, koncesion apo partneritet publik–privat deri në përfundim të fushatës zgjedhore. Ajo tha se detyra parësore është të mos lejojnë që punonjësit të marrin pjesë në fushatën e partive.
Zëvendëskryeministrja i shprehu mbështetjen e saj drejtorit të ri të AZHBR si dhe inkurajoi të veprojnë në përputhje me VKM-së dhe të mos ndikohet nga presione të çdo lloji, duke kërkuar edhe bashkëpunimin e punonjësve të atij institucioni.
