Taulant Muka është një nga të rinjtë shqiptarë me karrierë të mirë jashtë vendit, si pedagog në universitetin e Kopenhagenit në Danimarkë. Ai u kthye me qëllimin për të ndryshuar sistemin arsimor në vend, por kjo dëshirë e tij zgjati shumë pak. Dy javë pasi Rama e emëroi si zv/minister te Arsimit, Muka i ka paraqitur dorëheqjen ministres së Arsimit Lindita Nikolla.
Ai ka qenë përballë një presioni të madh të publikut e medias pasi pranoi propozimin e Ramës për t’i zënë vendin parardhësit të tij, të cilin e denoncoi për plagjiaturë, Ervin Demo.
Megjithatë, Muka u zotua se do punonte me profesionalizëm, ndërsa sot ka hequr dorë duke argumentuar se nuk pajtohet me modelin e punës së Ministrisë së Arsimit dhe se e ka të pamundur ta ndryshojë këtë sistem nga brenda.
