Gjashtëmbëdhjetë shtete amerikane kanë paditur administratën e Donald Trump për shpalljen e gjendjes së jashtëzakonshme, me qëllim mbledhjen e fondeve për ndërtimin e murit me Meksikën.
Padia u dorëzua në Gjykatën e Kalifornisë së Veriut. Lëvizja e gjashtëmbëdhjetë shteteve amerikane erdhi pak ditë pasi Donald Trump përdori kompetencat e jashtëzakonshme për të anashkaluar vendimarrjen e Kongresit.
Shtetet paditëse argumentojnë se urdhri i Donald Trump për të devijuar fondet drejt ndërtimit të murit, do t’u kushtojnë miliona dollarë duke dëmtuar ekonomitë respektive dhe duke hequr para nga investimet e parashikuara.
