Bota

EMA fillon shqyrtimin e vaksinës anti-COVID të kompanisë kineze Sinovac


Bëhu pjesë e Grupit Zyrtar të Opinion.al
>> KËTU <<
               Publikuar në : 14:38 - 04/05/21 |
Opi Nion

Agjencia Evropiane e Barnave (EMA) ka nisur ekzaminimet për vaksinën kineze Sinovac. Vendimi u mor në bazë të rezultateve paraprake të studimeve në laborator dhe studimeve klinike, të cilat treguan se vaksina prodhon antitrupa dhe mund të ndihmojë në mbrojtjen nga sëmundja.

Në rast se vlerësimi do të jetë pozitiv, ajo do të miratohet për përdorim në territorin europian dhe do të jetë vaksina e pestë që mund të përdoret.

EMA nuk dha një kornizë kohore për dhënien e vendimit përfundimtar, por tha që procesi duhet “të marrë më pak kohë sesa normalisht për t’u vlerësuar … për shkak të punës së bërë gjatë rishikimit “.

Agjencia Evropiane e Barnave deri më tani ka miratur katër vaksina në Bashkimin Evropian: Pfizer/BioNTech, Moderna, AstraZeneca dhe Johnson & Johnson.

Po ashtu gjatë ditës së sotme, Presidentja e Komisionit Evropian, Ursula von der Leyen, ka njoftuar se në të gjithë Evropën janë vaksinuar 150 milionë persona, ndërkohë që objektivi është që brenda muajit korrik të sigurohen doza të mjaftueshme për 70 % e të rriturve në vendet e Bashkimit Evropian./Opinion.al

Pas