Elvana Gjata ka zbuluar përmes një postimi në rrjetet sociale bashkëpunimin me këngëtaren me famë botërore Inna.
Kënga e re, me titull “Papa”, është një bashkëpunim mes Sickotoy, Elvana Gjata e Inna dhe pritet të publikohet shumë shpejt.
Nga fotot e publikuara dallohet se kënga do të ketë ritme verore pasi të tre janë të shtrirë në një ambient plazhi në një dërrasa sërfi, dy vajzat të veshura me bikini, ndërsa Sickotoy me pantallona dhe një këmishë të shkurtër verore.
Ky është bashkëpunimi i parë i Elvana Gjatës me Sickotoy dhe Inna, këngëtaren e famshme rumune e njohur për hitet e saj si “Yalla”, “Ruleta” etj. Ndërsa Sickotoy është kompozitor i njohur i kompanisë “Global Records” i cili ka disa bashkëpunime me këngëtarë si Delia, Inna apo Alexandra Stan etj.
Kujtojmë se disa javë më parë Elvana Gjata publikoi këngën e saj më të re “Loti”, dhe ishte këngëtarja me famë ndërkombëtare, Inna, një prej fansave të shumtë që e kanë shpërndarë këtë këngë në stories të Instagram.
“Kjo më zbukuroi ditën! Faleminderit mbretëreshë! Të dua!”, shkruante Elvana Gjata.
