Këngëtarja shqiptare, Elvana Gjata ka përfunduar në polici. Shkak është bërë një kallëzim penal që këngëtarja ka bërë për një sulm kibernetik ndaj adresës së saj personale në icould.
Mësohet se denoncimin ajo e ka bërë në Drejtorinë e Përgjithshme të Policisë. Sakaq, nuk dihet ende se kur ka ndodhur rasti në fjalë, por pritet që të zbardhet e gjithë ngjarja.
Elvana Gjata prej kohësh sundon tregun muzikor shqiptar, kudo ku ka shqiptarë. Kohëve të fundit, këngëtarja shfaqet tejet joshëse dhe ekstravagante, duke nxitur kështu jo vetëm komente të shumta, por edhe një vëmendje më të madhe nga audienca shqipfolëse.
