Sipërmarrësi miliarder, Elon Musk, u tall të hënën me liderin e kohës së luftës të Ukrainës, Volodymyr Zelensky, duke përdorur një meme për të tallur thirrjet e presidentit për ndihmë perëndimore.
“Kur kanë kaluar 5 minuta dhe nuk ke kërkuar një miliardë dollarë ndihmë”, thuhej në mesazhin e Musk, i cili shoqëronte kokën e Zelensky bashkëngjitur me një foto të famshme të një nxënësi të acaruar.
Musk ka pasur një marrëdhënie të trazuar me ukrainasit dhe administratën e vendit që kur presidenti rus Vladimir Putin nisi pushtimin e tij në shkurt të vitit 2022, raporton Politico.
Ndwrkohw deputetja ukrainase Verkhovna Rada, u përgjigj me të njëjtën meme duke përdorur fytyrën e zotit Musk, me mbishkrimin: “Kur kanë kaluar pesë minuta dhe nuk keni përhapur propagandën ruse”.
Zelensky ende nuk ka reaguar ndaj postimit të Musk. Por një nga këshilltarët e zyrës së tij, Serhiy Leshchenko, u përgjigj në një postim në Twitter duke akuzuar Musk për “trolling”.
Meme-ja e Musk vjen menjëherë pasi presidenti amerikan Joe Biden nënshkroi një projekt-ligj të përkohshëm buxhetor që nuk paraqiste asnjë ndihmë për Ukrainën. Javën e kaluar, Komisioni Evropian kritikoi platformën X (ish-Twitter) të Musk se ajo është një ndër burimet më të mëdha të dezinformatave.
— Elon Musk (@elonmusk) October 1, 2023
