Aktorja e famshme shqiptaro-amerikane Eliza Dushku, ka vendosur të mbështesë kandidatin amerikan për president Bernie Sanders.
Në takimin e organizuar ditën e djeshme në New Hampshire, Eliza ka entuziazmuar qindra studentë dhe të rinj që ishin mbledhur për këtë miting, duke deklaruar se Bernie është presidenti që i duhet atij vendi.
Dushku, e cila pak kohë më parë i është rikthyer studimeve universitare, në fjalimin e saj ka nënvizuar se ndërsa ajo ka mundësi të përballojë shkollimin me të ardhurat e saj financiare, shumë të rinj në SHBA, janë zhytur në borxhe për t’u arsimuar.
“Bernie Sandres, presidenti i ardhshëm i Amerikës, njeriu që na duhet”, mbyll fjalimin e saj aktorja, teksa prezanton kandidatin për president./TopAlbania Radio
