Gjiko, i cili prej pak ditësh ka publikuar edhe hitin më të fundit me titull “Bakllava”, publikoi edhe një foto të re ku pozonte përpara kameras shumë serioz i veshur sportiv, teksa mbante një kapuç në kokë.
“Zemra e gjej rrugën e vet” – shkruante krahas postimit Gjiko.
Mirëpo, të gjithë e harruan foton kur menjëherë bashkëshortja e tij, Elita Rudi nisi me ‘ankesat’ e saj për reperin. Siç ndodh pas martesës, mesazhet e dashurisë kthehen në ato ‘bli bukë’ dhe çifti i njohur nuk bën aspak përjashtim! Elita i kërkon bashkëshortit të lërë pozat, por të blejë ushqimet!
“Mos merr poza fort por shko më ble bukëëën! Edhe limona, se i kam ngrënë të gjitha dhe gjej një makinë që bën akull rrugës. Të dua bebe” – shkruan Elita Rudi.
Gjithsesi, Elitës i falen të tilla kërkesa (edhe në publik), pasi moderatorja është në pritje të ëmbël dhe shumë shpejt do të bëhet nënë për herë të parë.
