Ministrja për Marrëdhëniet me Parlamentin, Elisa Spiropali ka marrë përsipër t’ju kërkojë falje eurodeputetëve, pas reagimeve nga ana e opozitës. Në një konferencë për mediat ajo tha se deputetët e opozitës jo vetëm janë larguar nga Parlamenti, por dhe nga terreni i të folurit normal.
“Ju kërkojmë ndjesë atyre dhe për reagimet e papranueshme të ish-deputetëve të opozitës. Ata janë larguar jo vetëm nga detyra por dhe nga terreni i të folurit normal. Janë të dëshpëruar dhe bëjnë gjëra të dëshpëruara. Shqiptarët nuk e meritojnë këtë situatë për shkak të frikës së Lulzim Bashës nga humbja e zgjedhjeve, dhe frikës nga drejtësia. Gjynah se kjo është koha për të qenë bashkë për integrimin, jo të bërë kamikazin e për ta penguar integrimin”, deklaroi Spiropali, dirsa theksoi se “bojkoti, dhuna dhe djegia e mandateve janë të papranueshme”.
Gjatë një konferencë për shtyp, eurodeputeti gjerman Fleckenstein deklaroi: “Sa i përket problemeve tuaja të brendshme, ne nuk kemi dyshim që ky Parlament do të vazhdojë rrugëtimin e tij. Parlamenti do të vazhdojë rrugëtimin, ndoshta edhe me anëtarë të rinj. Jam zhgënjyer shumë veçanërisht nga kryetarja e LSI-së, Monika Kryemadhi, e cila na tha që opozita e ka marrë vendimin dhe nuk ka kthim pas. Presim që deputetët të bëjnë punën e tyre dhe të kthehen në Parlament. Edhe sikur opozita të ketë të drejtë për akuzat, bojkotimi nuk zgjidh asgjë”. Kjo solli reagimin e menjëhershëm të LSI, që theksoi se eurodeputetët kanë shikim të turbullt nga paratë e pista./ G.F Opinion.al
