Dy nga zërat dhe këngëtarët më të mirë shqiptarë do të realizojnë një koncert bamirësie për fëmjët me Sindromë Down.
Këngëtarët e njohur Elina Duni dhe Vlashent Sata do të jenë pjesë të një koncerti bamirësie të organizuar nga “Fondacioni Down Syndrome Albania”.
Koncerti do të zhvillohet me datë 21 Dhjetor pranë Katedrales Ortodokse, në orën 20:00 me këngëtarët Duni , Sata si dhe artistë të tjerë të njohur do të përformojnë muzikën e tyre për Down Syndrome Albania.
Fondacioni “Down Syndrome Albania”, prej pesë vitesh tashmë zhvillon aktivitetin e tij me qëllim përmirësimin e realizimit të të drejtave të personave me sindromën Down dhe personave të tjerë me aftësi të kufizuara.
Të ardhurat nga shitja e biletave do të shkojnë në mbështetje të shërbimeve terapeutike të fëmijëve me aftësi të kufizuara nga familje të varfra. /Opinion.al/
