Para ndeshjeve eliminatore lista e lojtarëve të kombëtares shqiptare ka pësuar ndryshime.
Mësohet se 3 lojtarë, Egzon Binaku, Ledian Memushaj dhe i riu Marash Kumbulla nuk do të jenë nën urdhrat e Reja-s në ndeshjet kundër Islandës më 8 qershor dhe 3 ditë më pas ndaj Moldavisë.
“Egzon Binaku është dëmtuar në ekipin e tij IFK Norrkoping në ligën suedeze dhe në këto kushte e ka të pamundur të bashkohet me kuqezinjtë. Po ashtu mesfushori Ledian Memushaj i grumbulluar me përfaqësuesen në kompleksin “Tropikal” ka shfaqur probleme fizike duke e bërë të pamundur rikuperimin në kohë për dy përballjet. Një tjetër futbollist që do të mungojë është edhe Marash Kumbulla, i cili për shkak të angazhimit me klubin e tij, Hellas Verona në Itali do të bashkohet me U-21 në datë 3 qershor për transfertën e Turqisë”, njofton FSHF./ Opinion.al E.Xh.
