Tre persona u vranë në pritë në Elbasan mbrëmjen e së shtunës. Viktimat janë Endrit Alibej, 34 vjeç dhe Arben Dylgjeri 54 vjeç. Viktima e tretë mësohet se është shtetas me origjinë të huaj me inicialet E.K.
Endrit Alibej është arrestuar me herët në Itali gjatë një operacioni antidroge, asokohe ishte 29 vjeç.
Alibej është i njohur në qytetin e Elbasanit dhe me precedent për trafik lëndësh narkotike.
Ngjarja ndodhi në Bradashesh, ndërsa tre viktimat ishin duke udhëtuar me një mjet me targa italiane AG71ËYP kur janë qëlluar me breshëri kallashnikovi. Makina e autorëve mësohet se është larguar drejt Peqinit.
Dyshohet se përplasja me armë lidhet me përplasjen e bandave në qytetin e Elbasanit dhe prishjen e pazareve të drogës. Viktimat ishin kthyer pak ditë më parë në Shqipëri pasi ndodheshin jashtë vendit. Njëri nga shqiptarët ka jetuar në Angli, tjetri në Holandë.
Njoftimi i policisë
Sot rreth orës 21:15, në Bradashesh, Elbasan, është qëlluar me armë zjarri në drejtim të një mjeti. Për pasojë kanë mbetur të vrarë 3 shtetas, që udhëtonin me të. Grupi hetimor ndodhet në vendngjarje dhe po punon për zbardhjen e rrethanave dhe identifikimin e kapjen e autorëve.
Forca të shumta policie kanë rrethuar zonën, në një perimetër të gjerë. Policia po kryen kontrolle e shoqërime dhe një sërë veprimesh të tjera, për të bërë të mundur zbardhjen e ngjarjes.
Një grup specialistësh nga Krimet e Rënda në Drejtorinë e Përgjithshme të Policisë së Shtetit janë nisur në ndihmë të Policisë së Elbasanit”.
