Dy persona janë vënë në kërkim në Elbasan, pasi në orët e para të mëngjesit në fshatin Petresh, kanë vjedhur një automjet të tipit “Ford” të një 28-vjeçari.
Policia pasi ka pikasur automjetin e vjedhur i ka bërë dy shtetasve me shenjë për të ndaluar, por ata nuk u bindën dhe vijuan të lëviznin me shpejtësi.
Për t’iu shmangur Policisë, të dy e kanë braktisur automjetin, pasi dyshohet se gjatë ecjes u përfshi nga flakët, në fshatin Dopaj.
“Rreth orës 02:35, në rrugën e vjetër “Elbasan-Tiranë”, në fshatin Petresh, dyshohet se 2 shtetas i kanë marrë automjetin tip “Ford”, shtetasit R. Ll., 28 vjeç.
Shërbimet e Policisë kanë pikasur automjetin që këta dy shtetas kishin vjedhur dhe i kanë bërë shenjë për të ndaluar, por shtetasi që drejtonte automjetin nuk i është bindur urdhrit të punonjësve të Policisë dhe ka vijuar lëvizjen me shpejtësi.
Për t’iu shmangur Policisë, 2 shtetasit e kanë braktisur automjetin, pasi dyshohet se gjatë ecjes u përfshi nga flakët, në fshatin Dopaj.
Nga veprimet e para hetimore, si dhe bazuar në informacionet e siguruara, Policia ka krijuar dyshime të arsyeshme për autorët e këtij rasti”, njofton policia.
Vijon puna për kapjen e tyre dhe për zbardhjen e plotë të rrethanave të rastit.
