Një 55-vjeçar është shpallur në kërkim nga Policia e Elbasanit, pasi ka thyer masën e sigurisë “Arrest në shtëpi”.
Sipas uniformave blu, mësohet se shtetasi I. F. dyshohet se ka tentuar të kryejë marrëdhënie seksuale me dhunë me një fqinje të tij 25-vjeçare.
“Gjithashtu, referuan materialet në Prokurori dhe shpallën në kërkim shtetasin I. F., 55 vjeç, pasi ka thyer masën e sigurisë “Arrest në shtëpi”, për veprën penale “Dhuna në familje”, dhe dyshohet se ka tentuar të kryejë marrëdhënie seksuale me dhunë me një 25-vjeçare, fqinje e tij.
Po punohet për kapjen e shtetasit I. F. dhe për zbardhjen e rrethanave të rastit”, njofton policia.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
