Mbrëmjen e së dielës në zonën e Fushë Mbretit në Elbasan janë dëgjuar të shtëna me armë zjarri.
Sipas informacioneve të para ngjarja ka ndodhur rreth orës 19:45, kur nga një makinë është qëlluar drejt një personi. Fatmirësisht plumbat nuk e kanë prekur shënjestrën dhe nuk raportohen të lënduar.
ipas burimeve të Report Tv shënjestra ka qenë një i ri, por fatmirësisht ka shpëtuar. Paraprakisht dyshohet se është qëlluar nga një automjet në lëvizje drejt një automjeti të parkuar, ku ndodhej shënjestra.
Makina nga u qëllua me armë zjarri është larguar me shpejtësi nga vendi i ngjarjes. Policia po merr në pyetje shënjestrën e atentatit për konfliktet e mundshme që mund të ketë pasur kohët e fundit, ndërsa është vendosur në ndjekje të autorëve.
Automjeti me të cilën është larguar autori është identifikuar, ndërsa policia ka shoqëruar disa dëshmitarë që ndodheshin në vendin e ngjarjes.
Lajmi ne perditesim
